Un conto para descubrir o ciclo da vida con tenrura e conciencia

A Clara coida con agarimo un cordeiro. Co paso das estacións, a súa la transfórmase nunha bufanda amarela, feita por ela mesma. Cando se desgasta, non se tira: volve á terra e convértese en compost.

Unha historia circular que axuda aos nenos e nenas a comprender o valor do feito a man, o coidado dos animais e a beleza dos procesos naturais. Unha invitación a reconectar coa natureza, os ritmos e o sentido profundo de transformar.

Inclúe unha canción orixinal con partitura e acceso por QR a materiais complementarios para ampliar a experiencia sonora e rítmica.

Recomendado a partir de 4 anos.

Por que che gustará este conto:
• Explica de forma sinxela a orixe do que vestimos.
• Conecta cos ritmos da natureza e os animais.
• Promove paciencia e conciencia ecolóxica.
• Mostra o proceso da la como material vivo.
• Adaptado a Lectura fácil para todos os ritmos de aprendizaxe.
• Ideal para familias, escolas e proxectos Waldorf
• Ilustracións cheas de tenrura e beleza.